199

ہیڈ سائفین اور کینال کی توسیع، تقریباً پانچ ارب مختص

میلسی ہیڈ سائفین اور ایس ایم بی لنک کینال کی توسیع کے لیے 4 ارب 80 کروڑ روپے کے ترقیاتی منصوبے کی منظوری مل گئی ہے۔
رکن قومی اسمبلی سعید احمد خان منیس نے کہا ہے کہ پنجاب حکومت نے منصوبے کی منظوری دیتے ہوئے 20 کروڑ روپے کی ابتدائی گرانٹ جاری کر دی ہے۔
انہوں نے بتایا کہ منصوبے سے نہر میں 16 سو کیوسک پانی میں مزید اضافہ ہو جائے گا جس سے علاقے کے کسانوں اور زراعت کو بے حد فائدہ ہو گا۔
ان خیالات کا اظہار انہوں نے میلسی سائفین پر محکمہ انہار اور محکمہ مال کے افسران سے ملاقات کے دوران کیا۔
انہوں نے بتایا کہ منصوبہ تین سال میں مکمل ہو گا جس کے بعد مذکورہ کینال میں مجموعی طور پر 1600 کیوسک اور 52 سو کیوسک سے 68 سو کیوسک تک نہری پانی بڑھے گا۔
‘منصوبے سے علاقے بھر کی ڈھائی لاکھ ایکڑ اراضی سیراب ہو سکے گی۔’
انہوں نے مزید بتایا کہ میلسی سائفین چونکہ علاقہ بھر کا معروف سیاحتی مقام ہے اس لیے فیملی پارک اہل علاقہ کا دیرینہ مطالبہ تھا جسے پورا کرتے ہوئے ساڑھے تین ایکڑ اراضی پر 55 لاکھ روپے مالیت سے پارک کی فوری تعمیر شروع کی جا رہی ہے۔
ان کا کہنا تھا کہ ریکارڈ مدت میں یہاں خوبصورت پارک شہریوں کو فراہم کیا جائے گا جس میں فیملیوں اور بچوں کی ضروریات کو بھی پیش نظر رکھا جائے گا۔
اس موقع پر اسسٹنٹ کمشنر میلسی سید شفقت رضا، ایس ڈی او انہار میاں محمد اسلم، ٹی ایم او چودھری محمد ندیم، ٹی او آئی اینڈ ایس چودھری عبدالغفار اور نائب تحصیلدار ملک اللہ دتہ موجود تھے۔

صفحہ پر فراہم معلومات سےمتعلق اپنی رائے دیجئے

افرادنے ابھی تک موجودہ صفحہ پر اپنی رائے دی ہے

اس خبر پر اپنی رائے کا اظہار کریں

اپنا تبصرہ بھیجیں