125

میلسی میں دل کے امراض کے پہلے ہسپتال کا افتتاح

میلسی میں پہلے دل کے امراض کے پرائیویٹ ہارٹ اینڈ میڈی کیئر ہسپتال کی افتتاح کی تقریب ہوئی۔
ن لیگ کے ممبر قومی اسمبلی سعید احمد خان منیس اور صوبائی وزیر خصوصی تعلیم آصف سعید خان منیس نے ہسپتال کا افتتاح کیا۔
اس موقعے پر ڈاکٹر محمد بشیر احمد، سابق تحصیل ناظم عاصم سعید خان منیس، چیئرمین یونین کونسلرز محمد اجمل خان سگو، ملک ریاض احمد مسوان، راؤ محمد اسحاق خان، سید الطاف حسین شاہ، صفدر عباس خان ماہنی، توصیف احمد خان یوسفزئی، راؤ ریاض حسین ضیا، میاں اعجاز احمد مترو، قمر محیی الدین گجر،میاں سجاد احمد آرائیں، شیخ شاہد باری، ٹی ایم او چودھری محمد ندیم، مہر عبد الخالق آرائیں، صدر پریس کلب عزیز اللہ شاہ طاہر، جنرل سیکرٹری سید نوید الحسن قطبی اور محمد اسلم خان یوسفزئی سمیت ہسپتال کا سٹاف بھی موجود تھا۔
سعید احمد خان نے افتتاحی تقریب کے شرکا سے خطاب کرتے ہوئے کہا کہ حکومت عوام کو صحت کی بنیادی سہولیات کی فراہمی کے لیے کوشاں ہیں،
انہوں نے کہا کہ صحت کی سہولیات میں پرائیویٹ سیکٹر کو آگے بڑھنا ہو گا، ہارٹ اینڈ میڈی کیئر ہسپتال میلسی اس علاقے کی عوام کے لیے کسی نعمت سے کم ثابت نہیں ہو گا۔
ان کا کہنا تھا کہ دل کے امراض میں مبتلا مریضوں کو اب بڑوں شہروں میں جانے کی ضرورت پیش نہیں آئے گی بلکہ اب میلسی میں ہی ای سی جی، ایکو کارڈیو گرافی، ای ٹی ٹی اور سی سی یو جیسی جدید سہولیات میسر آئیں گیں۔
‘ڈاکٹر محمد بشیر احمد سے ہمارا دیرینہ تعلق ہے اس لیے ہماری استدعا پر انہوں نے لاہور جیسے بڑے شہر کو چھوڑ کر میلسی کا انتخاب کیا حالانکہ ان کے پاس لاہور میں رہ کر زیادہ ترقی اور تحقیق کے مواقع موجود تھے۔۔

صفحہ پر فراہم معلومات سےمتعلق اپنی رائے دیجئے

افرادنے ابھی تک موجودہ صفحہ پر اپنی رائے دی ہے

اس خبر پر اپنی رائے کا اظہار کریں

اپنا تبصرہ بھیجیں